තත්වයෙන් උසස් මෙමරී කාඩ් (Memory Card) එකකට දස ලක්ෂ වාරයක් පමණ දත්ත කියවීම, ලිවීම හා මකා දැමීම කළ හැකිය. එසේම එය දස දහස් වාරයක් පමණ කාඩ් රීඩරයකට සවි කොට දත්ත ලබාගත හැක.
මෙමරි කාඩ් වලට වඩාත්ම හානි වෙන්නේ ඒවා කාඩ් රීඩරයකට සවි කිරිමේදී හා ඉවත් කිරීමේදීය. මෙමරි කාඩ් එකක් ඊට ගැළපෙන රීඩරයකට සම්බන්ධ කිරීමේදි ඕනෑවට වඩා ඔබ එය බලෙන් ස්ලොට් එකට තද කළ යුතු නැත. සාමාන්‍යයෙන් එය පහසුවෙන් රීඩරයට ඇතුළු කළ හැකිය. නොගැළපෙන හෝ යාන්තමින් ගැළපෙන රීඩරයකට මෙමරී කාඩ් ඇතුළු කිරීමට උත්සහා දැරීමේදී ඒවාට හානි සිදුවේ.
එසේම දත්ත කියවන හෝ ලියන විට හෝ දත්ත මකා දමමින් සිටින විට එම කටයුත්ත සම්පූර්ණ වීමට ඉඩ නොදී රීඩරයෙන් කාඩ් එක ඉවතට ගැනීමෙන්ද මෙමරි කාඩ් එකෙහි ඇති දත්ත වලට මෙන්ම එයටද හානි සිදුවේ. මෙමරි කාඩ් එක ගබඩා කර තැබිය යුත්තේ තැලීම්, සීරීම් හෝ නැමීම් වලට ලක් නොවන සේය. එසේම ඒ මත දැඩි බරක් නොයෙදවෙන සේය. අව්වට නිරාවරණය වීම, කාන්දම් අසල තැබීම සහ දැඩි රස්නයකට ලක්වීම නිසාද මෙමරි කාඩ් අකර්මන්‍ය විය හැක.
0 comments:
Post a Comment