ගේම් ගහන්නම සුපිරි මැශින් එකක් හදමු

හරි මේක මෙහෙම පටන් ගමු, දැන් ඔය ගෙදර මැශින් තියන හැම කෙනාම වගේ කැමතියිනේ ගේම් ගහන්න. හැබැයි පොඩි ප්‍රශ්නෙකට කියල තියෙන්නේ මේ අපේ ‍රැම් (RAM), වීජීඑ (VGA) කියන දේවල් තමයි. ඉතින් මේ ප්‍රශ්නේ නිසා ගොඩක් අය මොනිටර් එක දිහා බලාගෙන මාර අව්ලකින් ඉන්නවා ගේම් ඉන්ස්ටෝල් කර ගන්න බැරුව. ඒත් සමහර අය කොහොමහරි ඉන්ස්ටෝල් කර ගන්නව. කොහොමහරි ගේම් එකත් හිර වෙවි ගහනවා. ඉතින් ඔහොම ටික කාලයක් යද්දි එක්කෝ වීජීඑ (VGA) එක හරි ‍රැම් (RAM) එක හරි යනවා. මොකද මැශින් එකට ධරා ගන්න බැරි ගේම් නේ ගහන්නේ. ඉතින් මේවගේ දේවල් නිසා ගේම් ගැහුවම මැශින් කැඩෙනවා කියන කතාව කියන්න වෙනවා. ඉතින් මම මේ ලිපියෙන් ඔයාලට කියන්න යන්නේ මේ හේතුන් මග හරවා ගනිමින්, මැශින් කඩා ගන්නේ නැතුව කොහොමද ගේම් ගහන්නම සුපිරි මැශින් එකක් හදා ගන්නෙ ගැනයි.

ඔබ අධික මිළක් ගෙවා පරිගණකයක් වැඩි දියුණු කර ගන්නවාට වඩා අඩු මිළකින් සුපිරි කාර්යක්ෂමතාවයකින් යුත් පරිගණකයක් වැඩි දියුණු කර ගැනිම එතරම් පහසු කාර්යක් නොවේ. ඒ නිසා පරිගණක ක්‍රීඩා සදහාම වෙන් වු විවිධ උපංග දැන් වෙළෙද පොළේ මිලට ගැනිමට තිබේ. ඒවා අතරින් සුපිරි ගේමින් පරිගණකයක් සදා ගැනිමට යොදා ගණු ලබන උපාංග කිහිපයක් පිළිබදව හා පරිගණකයේ මව් පුවරුව ආශ්‍රිතව කරනු ලබන වැඩි දියුණු කිරීම් කිහිපයක් පිළිබද ඔබ දැනුවත් කිරීම මෙම ලිපියෙහි අරමුණයි.

Gaming PC එකක් සදහා යොදා ගන්නා උපාංග

1.Gigabyte GA-MA74GM-S2

Read More

හාඩ් ඩිස්ක් එකක් නිවැරදිව පාටිෂන් කරන හැටි

මොකක්ද මේ පාටිෂන් කරනවා කියන්නේ ?

හාඩ් ඩිස්ක් එකක සම්පූර්ණ ඉඩ ප්‍රමාණය හොදින් ප්‍රයෝජනයට ගැනීමට එහි ඉඩ කොටස් වලට වෙන් කිරීම හෙවත් පාටිෂන්  කිරීම කළ යුතුය.

මේ ලිපියෙන් කියන දේ ඔයාලට ගොඩක් වැදගත් වෙයි කියලා මන් හිතනවා.


හාඩ් ඩිස්කයක් පාටිෂන් කරන ක්‍රම ගණනාවක් තිබේ. ඉන් ප්‍රධාන තැනක් ගන්නේ වින්ඩෝස් බූටබල් සීඩී එකක් මගින් හාඩ් ඩිස්ක් එකක් පාටිෂන් කිරීමේ ක්‍රමයයි. ඊට හේතුව ඒ සදහා මෙහෙයුම් පද්ධතියක් හෝ වෙනත් සහායක වැඩසටහනක් අවශ්‍ය නොවීමයි. මෙම ලිපිය මගින් මා ඔබට කියා දීමට යන්නේ වින්ඩෝස් එක්ස්පී බුටබල් සීඩී එකක් මගින් හාඩ් ඩිස්ක් එකක් පාටිෂන් කරන හැටිය. ඔබ දැනට වින්ඩෝස් විස්ටා හෝ සෙවන් භාවිතා කරන්නේ නම් එයද මීට සාමානය.


දැනට භාවිතා කරන හාඩ් ඩිස්ක් එකක් මේ ආකාරයට පාටිෂන් කරන්න ගියොත් ඔයාට අබ සරණයි තමයි ! මොකද කිව්වොත් ඔබගේ හාඩ් ඩිස්ක් එකේ තිබෙන සියලුම දත්ත විනාශ වී යයි. ඒ නිසා දැනට භාවිතා කරන හාඩ් ඩිස්ක් එකක් මේ ආකාරයෙන් පාටිෂන් කර ගැනීමට අවශ්‍ය නම්, මුලින්ම එහි ඇති වැදගත් දත්ත වෙනත් ඩිස්ක් එකකට හරි ඔය පෙන් එකකට හරි කොපි කර ගෙන තියාගන්න.

හරි දැන් ඔබ,

CPU එකේ සුවිචය ඔබා ඔන් කළ පසු Keyboard එකේ Delete බට්න් එක හෝ F1, F2, F10 වැනි බට්න් එකක් තදකළ විට බයෝස් (BIOS Basic Input Output System) වැඩසටහන තිරය මත පෙන්වයි. එහි Advanced BIOS Featares තුළින් First Boot ඩිවයිස් එක ලෙස සීඩී රොම් එක ‍තෝරන්න.

දැන් පරිගණකය බූට් වන අතරතුර Press any key to boot from CD... ලෙස පණිවිඩයක් ඔබට දිස්වේ. එවිට ඉක්මනින් Keyboard එකේ යම් බට්න් එකක් තද කළ යුතුවේ. මේ සදහා ඔබට තප්පර කීහිපයක කාලයක් ලබා දෙයි. ඔබට මෙම අවස්ථාව මග හැරුනොත් පරිගණකය රීස්ටාට් කර සීඩී එකෙන් එය බූට් කළ යුතුය.

ඉන්පසුව වින්ඩෝස්වලට අදාළ සෙටප් ෆයිල් ලෝඩ් වීම සදහා විනාඩි කිහිපයක් ගතවන අතර ඊට ඔබ ඉඩ සැලසිය යුතුය.

හාඩ් ඩිස්කය වින්ඩෝස් එක්ස්පී සීඩී එකෙන් පාටිෂන් කිරිමට නම් වින්ඩෝස් ඉන්ස්ටෝල් කිරිමට ඔබ එකග විය යුතුය. මේ සදහා ලැබෙන වින්ඩෝව තුළින් To set up Windows XP now තේරීම සදහා Keyboard එකෙහි Enter බට්න් එක තද කරන්න. මින්පසු වින්ඩෝස් සෙටප් කිරිම සදහා වන ලයිසන් ඇග්‍රිමට එක ලබා දෙයි. එයට එකග වීම සදහා Keyboard එකෙහි F8 බට්න් එක ඔබන්න.

* පාටිෂන් කිරිමට හාඩ් ඩිස්ක් එක සුදානම් කර ගන්නා ආකාරය.

දැන් ඔබට ලැබෙන්නේ හාඩි ඩිස්ක් ඩ්‍රයිව් එක පාටිෂන් කරන අවස්ථාවයි. මෙහිදී ඔබ භාවිතා කරන්නේ පැරණි හාඩ් ඩිස්ක් එකක් නම් එහි දැනට ඇති පාටිෂන් පෙන්වන අතර, අලුත් හාඩ් ඩිස්ක් එකක් භාවිතා කරන්නේ නම් එය තනි ඒකකයක් වශයෙන් පෙන්වා, එහි ධාරිතාවයද පෙන්වයි.

ඔබ පැරණි හාඩ් ඩිස්කයක් භාවිතා කරන්නේ නම් එය අලුතින් පාටිෂන් කිරිමට පෙර කලින් ඇති පාටිෂන් මකා සිටිය යුතුය. එවිට පාටිෂන් දැක්වෙන ස්ථානයෙන් මැකිය යුතු පාටිෂන් ‍තෝරා Keyboard එකෙහි D බට්න් එක ඔබන්න.

එවිට පාටිෂන් එක මැකිය යුතු දැයි තවත් වරක් ඔබෙන් විමසයි. එය තහවුරු කිරිම සදහා Enter බට්න් එක තද කරන්න. මෙම අවස්ථාවේ පාටිෂන් නොකර ඉවත් වීමට නම් Keyboard එකෙහි Esc බට්න් එක ඔබට තද කළ හැක.

පාටිෂන් එක මැකීම තහවුරු කිරීමට Enter බට්න් එක තද කළ විට, පාටිෂන් කිරීම මගින් දත්ත සියල්ල මැකී යන බැවින් තවත් වරක් එය සිදු කළ යුතුමදැයි ඔබට සිතීමට අවස්ථාවක් ලබා දේ. දැන් පාටිෂන් එක මැකීමට Keyboard එකෙහි L අකුර ඔබන්න.

ඉන්පසු නැවතත් පාටිෂන් ලිස්ට් එක වෙත යොමු වේ. එහිදී පාටිෂන් එක මැකී ඇති බව පෙන්වීම සදහා පාටිෂන් එකෙහි නම වෙනුවට Unpartitioned Space ලෙස පෙන්වයි. ඔබට මැකීමට අවශ්‍ය තවත් පාටිෂන් ඇති නම් කලින් පරිදිම ඒවාද මකා දැමිය හැක.

මේ ආකාරයෙන් පාටිෂන් සියල්ල මකා දැමු පසු පාටිෂන් කර නොමැති අලුත් හාඩ් ඩිස්ක් එකක් සේ හාඩ් ඩිස්ක් එක පෙන්වයි.

* හාඩ් ඩිස්කය පාටිෂන් කිරීම

ඉහත මා ඔබට සදහන් කර ආකාරයට පැරණි හාඩ් ඩිස්ක් එකක් තුළ ඇති සියලු පාටිෂන් මැකීමෙන් පසුව, අලුතින් පාටිෂන් සැකසීම හා අලුත් හාඩ් ඩිස්ක් එකක් තුළ පාටිෂන් එකක් සකස් කිරීම එකම ආකාරයෙන් ඔබට කරගත හැක. මේ සදහා Unpartitioned space ලෙස ද දැක්වෙන ස්ථානය තේරී තිබියදී Keyboard එකෙහි C බොත්තම ඔබන්න.

මෙහිදී පාටිෂන් එකේ ප්‍රමාණය පිළිබදව ඔබ ගෙන් විමසීමක් කරයි. ඔබට මුළු හාඩ් ඩිස්ක් එකම තනි ඒකකයක් වශයෙන් තබා ගැනීමට අවශ්‍ය නම් එම අගයේ කිසිම වෙනසක් සිදු නොකර Enter බොත්තම ඔබන්න. හාඩ් ඩිස්කය කොටස් කීහිපයකට බෙදා වෙන් කිරීමට ඔබ බලාපොරොත්තු වන්නේ නම්, මේ තුළ දැක්විය යුතු වන්නේ එම කොටස්වලින් පළමු කොටස සදහා අවශ්‍ය ඉඩ ප්‍රමාණයයි. මෙහිදී අදාළ ඉඩ ලබාදීම සිදුවන්නේ මෙගා බයිට් (MB) වලින් බව ඔබ මතක තබා ගත යුතුය.

මෙම ක්‍රියාවලියෙන් පසුව නැවතත් හාඩ් ඩිස්කයේ පාටිෂන් පෙන්වන ස්ථානය වෙත යොමු කෙරේ. එහිදී මුළු හාඩ් ඩිස්කයේ ඉඩ ප්‍රමාණය ‍තෝරා පළමු පාටිෂන් එක සකස් කර ඇත්නම් Unpartitioned space ලෙස තවමත් පාටිෂන් කර නොමැති කොටස පෙන්වයි. දැන් එම කොටසේද පාටිෂන් සකස් කර ගැනීම සදහා එය තේරී තිබියදී Keyboard එකෙහි C අකුර ඔබන්න. මෙහිදීද මුලින් පාටිෂන් එක සකස් කරගත් ආකාරයටම ඔබට තවත් පාටිෂන් සකස් කර ගත හැක.

මේ ආකාරයෙන් පාටිෂන් සකස් කර ගැනීමෙන් අනතුරුව පාටිෂන් එක දැක්වෙන ස්ථානය C: තුළින් ලෙස දැක්වෙන පාටිෂන් එක සිලෙක්ට් කර Keyboard එකෙහි Enter බට්න් එක තද කිරීමෙන් පරිගණකයට වින්ඩෝස් එක්ස්පී ඉන්ස්ටෝල් කිරීමේ ක්‍රියාවලියද ඔබට ආරම්භ කළ හැක.

මොකක් හරි ප්‍රශ්ණයක් තියනවා නම් මට මේල් කරන්න - udshehan@hotmail.com



Read More

හාඩ් ඩිස්කයක් අක්‍රිය වු විට එහි ඇති දත්ත නැවත ලබාගත හැකි, නොහැකි හේතූන්

අක්‍රිය වන සෑම හාඩ් ඩිස්කයකින්ම එහි තිබු දත්ත සම්පුර්ණයෙන්ම ලබාගත නොහැකිය. හාඩ් ඩිස්කය අක්‍රිය වීමට බලපා ඇති හේතුව අනුව එහි දත්ත නැවත ලබා ගැනීමේ ක්‍රියාවලිය රදා පවතී. ප්‍රධාන වශයෙන් මූලික ආකාර හතරකින් හාඩ් හාඩ් ඩිස්කයක් අක්‍රිය විය හැකිය.

විද්‍යුත් දුර්වලතා මතුවීම (Electronic Failure)

අධි වෝල්ටීයතා නිසා සහ ඉලෙක්ටෝනික පාලන පුවරුවේ දෝෂ නිසා ඩිස්කයේ ඉලෙක්ට්‍රොනික පාලන පුවරුව දැවී යාම මීට හේතුවයි. මෙවිට බයෝස් වැඩසටහන මගින් හාඩ් ඩිස්කය හදුනා නොගනී. මෙවැනි හාඩ් ඩිස්කවල ඇති දත්ත නැවත ලබාගත හැක.


හාඩ් ඩිස්කයේ ෆයිල් සිස්ටම් වල දෝෂ මතු වීම (Logical Eroors)

දත්ත සහ ෆයිල් සිස්ටම් එකට හානි වීම නිසාද හාඩ් ඩිස්කයේ දෝෂ මතුවේ. හාඩ් ඩිස්කය පාටිෂන් කර නැවත ෆෝමැට් කිරීමෙන් මෙම දෝෂය මග හරුණත් එහි ඇති දත්ත ඔබට ලබාගත නොහැක.


ඩිස්කයේ ස්ථීරව සම්බන්ධ කොට තිබෙන උපාංග වල දෝෂ ඇති වීම (Firmware Corruption)

මෙවිට බයොස් වැඩසටහන මගින් හාඩ් ඩිස්කය හදුනා නොගැනීම, වැරදි ලෙස හදුනා ගැනීම සිදුවේ. විදුලිය සැපයූ විට එහි තැටි කරකැවෙන හඩ ඇසුණත් පරිගණකය බූට් වීම ආරම්භ වීමට කලින් එය නතර වේ. මෙවැනි හාඩ් ඩිස්කවල ඇති දත්ත නැවත ලබාගත හැක.


යාන්ත්‍රික දුර්වලතා මතුවීම (Mechanical Failures)

ඩිස්කයේ අභ්‍යන්තර යාන්ත්‍රික උපාංග වන තොරතුරු රදවන තැටි හෙවත් ප්ලැටර්ස්, තොරතුරු කියවන සහ ලියන හිස යනාදියේ දෝෂ නිසා හාඩ් ඩිස්ක් අකර්මන්‍ය වේ. මෙවැනි දෝෂයක් ඇති විට පරිගණකය ක්‍රියාත්මක කළ සැනින්  නුහුරු ශබ්ද ඇසේ. මෙවැනි අවස්ථාවල ඩිස්කයේ දත්ත නැවත සම්පුර්ණයෙන්ම ලබා ගැනීම ගැන සහතික විය නොහැක.

Read More

හොද ඇන්ටිවයිරස් මෘදුකාංගයක තිබිය යුතු ලක්ෂන

අද ලෝකයේ විවිධ ඇන්ටිවයිරස් මෘදුකාංග විශාල වශයෙන් තිබේ. ඒවයෙන් බොහෝමයක් මෘදුකාංග අපට ලබා දෙන්නේ මුදල් වලටය. නමුත් අපි ඒ හොද හොද මෘදුකාංග ක්‍රක් (Crack), පැච් (Patch) කරගෙන හොරට පවිච්චි කරනවා. නැත්නම් කොහෙන් හරි සීරියල් නම්බර් එකක් හොයාගෙන ගහලා පවිච්චි කරනවා. ඇත්තටම අපි මේව මෙහෙම පාවිච්චි කරා කියල කිසිම අව්ලක් යන්නෙ නෑ. හරි. මම ඔබට මෙම ලිපිය මගින් කියාදීමට උත්සහා කරන්නේ හොද ඇන්ටිවයිරස් මෘදුකාංගයක තිබිය යුතු ලක්ෂණ හා තමන්ට උචිත ඇන්ටිවයිරස් මෘදුකාංගයක් ‍තෝරා ගන්නේ කෙසේද යන්නයි.

● දැනට හදුනාගෙන ඇති සියලුම පරිගණක වයිරස් ඉවත් කිරීමේ හැකියාව තිබිය යුතුය. අලුත් වයිරස් හැසිරීමෙන්ම ඒවා නිවැරදිව හදුනා ගැනිමේ ක්‍රමවේද ඉදිරිපත් කර තිබිය යුතුය.

● පරිගණක වයිරස් පමණක් නොව Worms, Malware, Spyware, Adware, Trojan horse, Rootkit වැනි අනෙකුත් විවිධ හැසිරීම්වලින් යුත් හානිකර වැඩසටහන්ද සාර්ථකව හදුනා ගැනීමේ හා වැළක්වීමේ හැකියාවද තිබිය යුතුය.

● වයිරස් ව්‍යාප්ත වීමට හේතු වන, removable media, pen/flash drive, memory card, floppy disk, zip drive, CD, DVD භාවිතයට ගැනීමට පෙරම පරීක්ෂා (Scan) කර ගැනීමට හැකියාවක් තිබිය යුතුය.

● සාමාන්‍ය දැනුමක් ඇති පරිගණක භාවිත කරන්නෙකුට වූවද භාවිතා කළ හැකි පරිදි සරලව නිර්මාණය කර තිබීමේ වැදගත්ය. (user friendly)

● ඔටෝමැටික් ඩේලි අප්ඩේට් (Automatic daily updates) ලබා දීම වඩාත් සිදුසුය. එනම් අවම වශයෙන් ඇන්ටිවයිරස් මෘදුකාංගය මිලදී කාලය සදහා අලුතින් හදුනා ගන්නා වයිරස් ඉවත් කිරීමේ හැකියාව සහිතව දිනපතා ස්වයංක්‍රීයව අප්ඩේට් කර ගැනීමේ හැකියාව තිබිය යුතුය.

● පරිගණකය භාවිතා කරන්නා ගේ  මදිහත් වීම ඉතා අවම ලෙස යොදා ගනිමින් ස්වයංක්‍රීයව ක්‍රියත්මක විය යුතුය.

● පරිගණක යෙදුම් වැඩසටහන් (computer applications) හා එකාබද්ධ වී එම වැඩසටහන් වලට ආදාළ ගොනු භාවිතයට කලින් පරීක්ෂා කිරීමේ හැකියාවෙන් යුක්ත විය යුතුය.

● රීයල්ටයිම් ෆයිල් ප්‍රොටෙක්ෂන් (Real-time file protection) තිබිය යුතුය. එනම් ක්‍රියාත්මක කරන සෑම ගොනුවක්ම ආරම්භයේදීම වයිරස් හදුනා ගැනීමේ පරීක්ෂාවට ලක් විය යුතුය.

● බොහොමයක් වයිරස් පැතිරෙන්නේ ඉන්ටනෙට් හා ඉ-මේල් හරහාය. ඉන්ටනෙට් හා ඉ-මේල් වලට යොදා ගන්නා වැඩසටහන් සමග එකාබද්ධ වී (Intergrated) වයිරස් අඩංගු ඉ-මේල් සහ වෙබ් අඩවි හදුනා ගැනීම, ඒවා මගින් පරිගණකයට වයිරස් ඇතුළු වීම වැළැක්වීම, භාවිතා කරන්නාට අනතුරු හැගවීම යනාදී ගුණාංග තිබිය යුතුය.

● පරිගණකයේ තිබෙන RAM, VGA, Hard Disk, Processing Power ආදිය අවම ලෙස භාවිතා කරන්නක් විය යුතුය. (ඔබගේ පරිගණකයට සරිලන අන්දමින්)

● ඇන්ටිවයිරස් මෘදුකාංගයක් මිලදී ගැනීමට කලින් ඒවායේ පරිශිලක අත්පොත (user manual) කියවා බැලිමෙන් එම වැඩසටහන පිළිබධ ඔබට අවබෝධයක් හා එම වැඩසටහනෙහි තිබෙන ගුණාංග පිළිබද අවබෝධයක් ඔබට ලබාගත හැකිය. එමෙන්ම අදාළ ඇන්ටිවයිරස් මෘදුකාංගයේ නොමිලේ දෙන අත්හදා බැලීමේ සංස්කරණයක් (trial version) පරිගණකයට ඉන්ස්ටෝල් කර පරීක්ෂාකර බැලීමට හැකි නම් එය අවම වශයෙන් හොද ගුණාංගයකින් යුත් ඇන්ටිවයිරස් මෘදුකාංගයකි.

● ප්‍රසිද්ධ වෙළෙද නාමයකින් යුත් අවුරුදු ගණනාවක් තිස්සේ අලුතින් සංස්කරණ ඉදිරිපත් කරන ඇන්ටිවයිරස් මෘදුකාංගයන් ‍තෝරා ගැනීම උචිතය. එවැනි ප්‍රසිද්ධ ඇන්ටිවයිරස් වැඩසටහන් වන්නේ Kaspersky, Norton/Symantec, Avast, McAfee, AVG, Trend-Micro, Microsoft, Panda, ESET, Antivir, Bullguard, Sophos, Avil, Avira යනාදියයි.

Read More

රූපවාහිනි තිරයක හා පරිගණක මොනිටරයක තිබෙන වෙනස්කම් මොනවාද ?

රූපවාහිනි තිරයේ හරස් අතට හෙවත් තිරස්ව හා දික් අතට හෙවත් සිරස්ව
වර්ණ පෙන්වීම සදහා කිරණ විදීමට භාවිතා වන්නේ පොදු සංඛ්‍යාතයකි.
එසේම ඒවා පරිගණක මොනිටරයේ සංඛ්‍යාත වලට වඩා බෙහෙවින් අඩු
නිසා රූපවාහිනි තිරයේ ඇති පික්සෙල් ප්‍රමාණය අඩුය. පරිගණක මොනිටරයේ ඉට වඩා වැඩි පික්සෙල් ප්‍රමාණයක් තිබේ. පරිගණක තිරයේ දර්ශනය වෙන කුඩා අකුරු රූපවාහිනි තිරයකින් දර්ශනයවීමේදී පැහැදිලි බව අඩු වෙන්නේ මෙනිසාය.

Read More

මෙමරි කාඩ් (Memory Card) භාවිතයේදි සැලකිලිමත් වියයුතු කරුණු

තත්වයෙන් උසස් මෙමරී කාඩ් (Memory Card) එකකට දස ලක්ෂ වාරයක් පමණ දත්ත කියවීම, ලිවීම හා මකා දැමීම කළ හැකිය. එසේම එය දස දහස් වාරයක් පමණ කාඩ් රීඩරයකට සවි කොට දත්ත ලබාගත හැක.

මෙමරි කාඩ් වලට වඩාත්ම හානි වෙන්නේ ඒවා කාඩ් රීඩරයකට සවි කිරිමේදී හා ඉවත් කිරීමේදීය. මෙමරි කාඩ් එකක් ඊට ගැළපෙන රීඩරයකට සම්බන්ධ කිරීමේදි ඕනෑවට වඩා ඔබ එය බලෙන් ස්ලොට් එකට තද කළ යුතු නැත. සාමාන්‍යයෙන් එය පහසුවෙන් රීඩරයට ඇතුළු කළ හැකිය. නොගැළපෙන හෝ යාන්තමින් ගැළපෙන රීඩරයකට  මෙමරී කාඩ් ඇතුළු කිරීමට උත්සහා දැරීමේදී ඒවාට හානි සිදුවේ.

එසේම දත්ත කියවන හෝ ලියන විට හෝ දත්ත මකා දමමින් සිටින විට එම කටයුත්ත සම්පූර්ණ වීමට ඉඩ නොදී රීඩරයෙන් කාඩ් එක ඉවතට ගැනීමෙන්ද මෙමරි කාඩ් එකෙහි ඇති දත්ත වලට මෙන්ම එයටද හානි සිදුවේ. මෙමරි කාඩ් එක ගබඩා කර තැබිය යුත්තේ තැලීම්, සීරීම් හෝ නැමීම් වලට ලක් නොවන සේය. එසේම ඒ මත දැඩි බරක් නොයෙදවෙන සේය. අව්වට නිරාවරණය වීම, කාන්දම් අසල තැබීම සහ දැඩි රස්නයකට ලක්වීම නිසාද මෙමරි කාඩ් අකර්මන්‍ය විය හැක.

Read More

ප්‍රින්ස් ඔෆ් පර්සියා ද ෆොගොට්න් සෑන්ඩ්ස් (Prince of Persia - The Frogotten Sands) පරිගණක ක්‍රීඩාව

ඔන්න මං ඔයාලට තවත් ගේම් එකක් ගෙනාවා මේක ගොඩක් අය ගහලා ඇති. ගේම් එක ටිකක් පරණ එකක්. ඒ වුනත් නියමයි. හැබයි මේක ඇමාරුයි ඈ..... ගේම් එකේ සීන් එක මං ඔයාලට කියන්නම්. ගහලා නැති අය ලිපිය කියවලා බලලා හොදයි කියලා හිතෙනවා නම් Download කරගන්න. මේකයි ස්ටෝරි එක,

ප්‍රින්ස් ඔෆ් පර්සියා - ද ෆොගොට්න් සෑන්ඩ්ස් (Prince of Persia - The Frogotten Sands) මෙය තම සොහොයුරා ගේ රාජධානිය බේරා ගන්නා කුමරෙකු පදනම් කොට ගෙන තැනූ පරිගණක ක්‍රීඩාවකි. මෙම පරිගණක ක්‍රීඩාවේදී ක්‍රීඩකයාට ක්‍රියාත්මක වීමට වන්නේ පර්සියානු කුමරා ලෙසිනි. තරුණ වියට එළඹෙන මෙම කුමාරයා තම පියාගෙන් පසුව එම රාජාධානියේ රජවීමට නියමිතය. කුමරාගේ වැඩිමහල් සොහොයුරාද තවත් රජ්‍යයක රජුය. පියරජු විසින් පර්සියානු කුමරාට කියන්නේ තම වැඩිමහල් සොහොයුරා වෙත ගොස් රාජ්‍ය පාලනය සහ නායකත්වය පිළිබද ඉගෙන ගන්නා ලෙසය.

ඒ අනුව තම වැඩිමහල් සොහොයුරා වෙත යන කුමරාට සොහොයුරාගේ රාජධානිය යක්ෂ ගෝත්‍රික හමුදාවක් විසින් ආක්‍රමණය කරමින් තිබෙන අයුරු දකින්නට ලැබේ. ඉන් පසු ඔහු තම සොහොයුරා හමුවි මේ පිළිබද විමසා සිටී. යක්ෂ ගෝත්‍රිකයන්ගේ කෞතුක වස්තු තම රාජධානිය තුළ තැන්පත්ව තිබෙන බව  සිතමින් ඔවුන් ඒවා ලබා ගැනිමට රාජධානිය ආක්‍රමණය කරමින් විනාශ කරන බවත්, ඔවුන්ට විරුද්ධව සටන් කිරීමෙන් ප්‍රතිථලයක් නැති බවත් වැඩිමහල් කුමරා තම සොහොයුරාට කියයි. පසුබසිමින් පලා යාම හොදම දේ බව ඔහුගේ අදහසයි. එහෙත් ඊට එකග නොවන කුමරා, සටන් කොට රාජධානිය බේරා ගත යුතුයැයි පවසයි. ඒ සදහා අවසරද ඉල්ලා සිටී. සොහොයුරා ඊට අවසර දෙයි.

ඒ අනුව මේ වන විට විසුරුවා ඇති හමුදාව නැවත කැදවන පර්සියානු කුමරා විසින් යක්ෂ ගෝත්‍රිකයින්ට විරුද්ධව යුද්ධය ප්‍රකාශයට පත්කරනු ලැබේ.

මෙම යුද්ධය අතරතුරදී අතුරුදහන් වන තම සොහොයුරා සොයා ගැනිමට සිදුවීම යුද්ධයේ නිරත පර්සියානු කුමරාට ලැබෙන තවත් වගකීමකි. පරිගණක ක්‍රීඩකයා විසින් මෙම පර්සියානු කුමරාව දක්ෂ රණශුරයෙකු ලෙස මෙහෙයවිය යුතුය. එහිදි ලැබෙන ලකුණු ගණන මත කුමරයාට විශේෂ බලයක් ලබා දීමට එම රාජධානියේ සිටින පූජකයෙකු ඉදිරිපත් වේ. එම බලය ලබාගත් පසු කුමරාගේ පහරදීම් වේගවත් වේ. එසේම කුමරාට අනතුරක් කිරිමට යක්ෂයින්ට නොහැකි වේ. එනිසා අඩු ජීවිත හානියකින් රාජධානිය බේරා ගැනිමට කුමරාට හැකි වේ.

මෙම ක්‍රීඩාවේදී පරිගණක ක්‍රීඩකයා රාජධානියේ පිහිටීම් පිළිබදව මනා අවබෝධයකින් සිටිය යුතුය. මේ සදහා අවශ්‍ය සිතියම් යොදා ගනිමින් සටන මෙහෙයවීම ක්‍රීඩකයාගේ වගකීමයි. යුද්ධය සදහා හමුදා සංවිධානයේදීත් යක්ෂයින් ගේ හමුදාව ගැන අවබෝධයකින් යුතුව ඔවුන්ට මුහුණ දිය හැකි ආකාරයෙන් ඒවා කළ යුතුය. මේ ආකාරයට ඒ ඒ අවස්ථාවන්ට ගැළපෙන ආකාරයට යුධ උපක්‍රම භාවිතා කරමින් යක්ෂයින් සමග සටන් කොට රජධානිය බේරා ගැනීම සදහා කුමරා හා ඔහුගේ භට හමුදාව මෙහෙයවීමට පරිගණක ක්‍රීඩකයා සමත් විය යුතුය.

ටොරෙන්ට් එකක් තියෙන්නෙ Download කරගන්න.

Prince Of Persia The Forgotten Sands.

File Size: 2.09GB

System Requirements !

Windows/xp/7/8

2.6 GHz Intel

Video Card: 256 MB

Hard Drive Space: 8 GB

Ram 1 Gb For Xp,2 Gb For 7 or vista

Screenshots



Read More

නින්ජා වෙස් මූහුණක් සාදා ගන්නා ආකාරය

මම දැන් ඔයාලට කියලා දෙන්න යන්නෙ නින්ජා වෙස් මූණක් හදාගන්න විදිය ගැන. මේක කරන්න හරිම ලේසියි. මේකට ඕනේ නිකන් ටී ශර්ට් එකක් විතරයි. හරි මං ඔයාලට කියන්නම් කොහොමද හදා ගන්නෙ කියලා. Step by Step කතා කරන බසින් කියන්නම්.

1. ඉස්සෙල්ලාම ටී ශර්ට් එකක් හොයා ගන්න.

මේකට ගන්න ටී ශර්ට් එක අපි ඉන්න Background එකට ගැළපෙන විදියට ගන්නවා නම් හොදයි. ගොඩක් හොදයි තද නිල් හරි කළු හරි ටී ශර්ට් එකක් ගන්න ඒක. එහෙම නැත්තම් ඔයා ගාව දැන් තියන එච්චර එළිය නැති ටී ශර්ට් එකක් අරගන්න.

2. ටී ශර්ට් එක කන පිට හරවන්න.

3. ටී ශර්ට් එකේ අර ඔලුව අපි දාන තැන තියෙන්නෙ, අන්න එතනින් ඔයගෙ ඔලුව දාන්න ඇතුළට. ටී ශර්ට් එකේ යට තියන කරපටිය ගාවට වෙනකම් ඔයාගේ ඔලුව අරන් එන්න. ඔයාගේ මූණ ඇරෙන්න අනිත් ඔක්කොම පේන්නෙ නැති වෙන්න දැන් අර කරපටිය අරන් හිස මත ටී ශර්ට් එක තබා ගන්න. (දාලා තියන ෆොටෝ එක හොදට බලන්න. එතකොට තේරුම් ගන්න පුළුවන්)

4. ඔයාගේ කටයි නහයයි වැහෙන විදියට ටී ශර්ට් එකේ කර පටිය උස්සලා තියාගන්න. (ෆොටෝ එකේ තියන විදියට)

5. ටී ශර්ට් එකේ දෙපැත්ත අත් දෙකෙන් හොදට ඇදලා අල්ලගන්න.

6. ටී ශර්ට් එකේ දෙපැත්ත ඔලුවේ පිටි පස්සට අරන් හොදට තදින් ගැටයක් ගහන්න. (ඉස්සරහා මූණ ටිකක් අවුල් ගියොත් ටිකක් ටී ශර්ට් එක එහාට මෙහාට කරලා ලස්සනට හදාගන්න)

7. වැඩේ අහවරයි !

Read More

ලැප්ටොප් පරිගණකයක බැටරියකින් වැඩි කාලයක් ප්‍රයෝජන ලබා ගැනීමට හැකි ක්‍රම, ලැප්ටොප් බැටරියක ආයු කාලය අඩුවීමට බලපාන හේතු

බැටරියකින් පරිගණකය ක්‍රියාත්මක වන කාලය රදා පවතින්නේ ඔබ කරන කාර්යය අනුව සහ එහි තිරයේ දීප්තිය අනුවය. ඒ නිසා බැටරියෙන් පමණක් ඔබ ලැප්ටොප් එකක් ක්‍රියා කරන වේලාවට තිරයේ දීප්තිය අඩුකර භාවිතා කිරීමෙන් ඔබට වැඩි වේලාවක් වැඩ කළ හැක.

USB පෝට් එකට වයර්ලස් ඉන්ටනෙට් ඩොන්ගල් සවි කොට ඉන්ටනෙට් වෙත ඔබ පිවිසෙන්නේ නම් එම ඩොන්ගලය ක්‍රියාත්මක වීමටද පරිගණකයේ බැටරියෙන් විදුලිය ලබා ගනී. එනිසා එවිටද බැටරියෙන් පරිගණකය ක්‍රියාත්මක කළ හැකි කාලය අඩුවේ. පරිගණක ක්‍රීඩා කිරීම, වීඩියෝ සංස්කරණ කටයුතු කිරීම, වඩා සංකීර්ණ පරිගණක වැඩසටහන් හැසිරවීම යනාදී වැඩ කරන විටද වැඩි බලයක් අවශ්‍ය වන නිසා බැටරිය ඉක්මනින් බැස යයි.

ලැප්ටොප් බැටරියක් සම්පූර්ණයෙන්ම බැස ගොස් පරිගණකය ස්වයංක්‍රීයව ඕෆ් වන තෙක් එය චාර්ජ් නොකොට සිටීම බැටරියේ ආයු කාලය අඩු කිරීමට හේතුවෙයි. ඒසේම සෑම විටම ප්‍රධාන විදුලියට සවිකර ලැප්ටොප් පරිගණකය භාවිතා කිරීමද සුදුසු නැත. එවිට බැටරිය ආරෝපණය වීමේ සහ බැසයාමේ චක්‍රය ක්‍රියාත්මක නොවේ. එනම් බැටරිය ආරෝපණය කිරීමටත් එය යම් තරමකට බැස යාමට ඉඩදීමත් මගින් බැටරියේ ක්‍රියාකාරි චක්‍රය ක්‍රියාත්මක වීමට ඉඩ තැබිමෙන් බැටරියේ ආයු කාලය වැඩි කර ගැනීමට පුළුවන.

Read More

ඩර්ට් 2 (Dirt 2) පරිගණක ක්‍රීඩාව

මෝටර් රථ ධාවනය තේමා කොට නිර්මාණය වූවකි.

මෙම පරිගණක ක්‍රීඩාව මෝටර් රථ ධාවන තරග පිළිබද පරිගණක ක්‍රීඩකයාට අවබෝධයක් ලබා ගත හැකි පරිගණක ක්‍රීඩාවක් ලෙස ඩර්ට් 2 පරිගණක ක්‍රීඩාව හැදින්විය හැක.

මේක පට්ට කාර් ගේමක්. ඔයාට මේක ගහන්න නම් RAM එක VGA එක එහෙම බර ඕනේ. මේ ගේම් එකේ ග්‍රැපික් නම් ආයේ පට්ට. සවුන්ඩ් එක නම් කියලා වැඩක් නැ... මැරු. ඇත්තටම අපි වහනේ ඇතුලේ ඉන්නවා වගේ දැනෙනවා. හෙඩ් ෆෝන් එක ගහගෙන ගහනකොට තමයි ඒ ෆීලින්ග්ස් එක නියමෙටම ගන්න පුළුවන්. හරි මං ඔයලට ගේම් එක ගැන කියන්නම්.

ඩර්ට් (Dirt) පරිගණක ක්‍රීඩාවේදී පරිගණක ක්‍රීඩකයාට මෝටර් රථ ධාවකයෙකු ලෙස ක්‍රියාත්මක වෙමින් විවිධ මෝටර් රථ කාණ්ඩ යටතේ තරග කිරීමට සිදුවේ. මෙහිදි මෝටර් රථ ධාවන තරග සදහා මෝටර් රථයක් යොදා ගැනීමේදි එහි කළ යුතු විශේෂ වෙනස්කම් කරමින් මෝටර් රථ ධාවන තරග වලට ආවේනික නීති රීති අනුගමනය කරමින් තම ජයග්‍රහණය සොයා යෑමට පරිගණක ක්‍රීඩකයාට සිදුවේ. විශේෂයෙන් මෙහි දී ඇති දක්ෂ මෝටර් රථ ධාවකයින් 30ක් පමණ පරිගණක ක්‍රීඩකයා සමග තරගයට ක්‍රීඩාව තුළින් සහභාගී කරවන අතර ඔවුන් සමග කරට කර තරග කිරීමට පරිගණක ක්‍රීඩකයාට අවස්ථාව ලැබේ.


තමන් සහභාගි වන සෑම මෝටර් රථ ධාවන තරගයකදීම උපරිම වශයෙන් මෝටර් රථ 2ක් භාවිතා කිරීමට ක්‍රීඩකයාට අවස්ථාව ලැබේ. එනම් එකක් අනතුරකට හෝ කාර්මික දෝෂයකට ලක් වූ පසු තවත් එවැනිම එම තත්වයෙන්ම තිබෙන මෝටර් රථයක් භාවිතා කොට තරගය අවසන් කළ හැක. මෙහිදී තරගයට අවශ්‍ය ධාවන වේගය පවත්වා ගන්නා අතරම තමන්ගේ වාහනයට සිදුවන අනතුරු හා කාර්මික දෝෂ අවම කර ගැනීමද ක්‍රීඩකයාගේ වගකීම වේ.


මෙම පරිගණක ක්‍රීඩාවේදී විවිධ කාණ්ඩ යටතේ වූ ධාවන තරග පැවැත්වේ. ඒ සදහා රේසිං වර්ගයේ රථ තරග සදහා වැඩි දියුණු කරන ලද මෝටර් රථ තරග සදහා වැඩි දියුණු කරන ලද මෝටර් රථ සහ ෆෝවීල් කැබ් රථ භාවිතා වේ. එසේම මෙම තරග පවත්වන්නේ හොදින් සැකසු සහා දුෂ්කර මාර්ග සහිත ධාවන පථවලදීය. ක්‍රීඩකයා මෙම දෙවර්ගයේ ම ධාවන පථවලදි මෝටර් රථය හැසිරවීම පිළිබද අවබෝධයෙන් යුතුව තම උපරිම  දක්ෂතා පෙන්විය යුතුය.


මෙම ධාවන තරග සදහා භාවිතා කරනු ලබන මෝටර් රථ වලට තමන්ට කැමති ආකාරයේ අලුත්වැඩියාවක් කිරීමේ පහසුකම ඩර්ට් 2 (Dirt 2) පරිගණක ක්‍රීඩාව විසින් ක්‍රීඩකයාට ලබා දේ. එම අවස්ථාවෙන් ප්‍රයෝජන ලබා ගැනීමටද ක්‍රීඩකයා වන ඔබ වග බලා ගත යුතුය.


කෙසේ හෝ අලුත්වැඩියාවන් සමගින් රථය ධාවන තරගයකට ඉදිරිපත් කිරීමේදීත් ඒ ඒ තරග සංවිධායකවරුන් විසින් මෝටර් රථය විශේෂ පරීක්ෂාවකට ලක් කොට ක්‍රීඩකයාගේ රථය තරගයට සුදුසු බව සහතික කරනු ලැබේ. ක්‍රීඩකයා වන ඔබ අනවශ්‍ය ආකාරයෙන් මෝටර් රථය වැඩි දියුණු කිරීම කර ඇත්නම් තරගවලින් ඉවත් කිරීම්වලටද ලක්වේ. එවැනි අවස්ථාවකදී ක්‍රීඩකයාට ලැබෙන ලකුණු ප්‍රමාණය අඩුවේ.


මෙම පරිගණක ක්‍රීඩාවෙන් ජය ලැබීමට නම් ක්‍රීඩාවේදී ලැබෙන සියලුම කාණ්ඩ යටතේ පැවැත්වෙන තරග වලට සහභාගි විය යුතුය. මෙහිදි එකිනෙකාට වෙනස් ධාවන පථ මෙන්ම වාහනද ලැබේ. ලැබෙන ඕනෑම තත්වයක් යටතේ ක්‍රීඩා කිරීමට ක්‍රීඩකයා දක්ෂ විය යුතුය.


මෙම ක්‍රීඩාව කිරීමේදී තමා මෙහෙයවන මෝටර් රථයට මෙන්ම එහි සිටින ධාවකයාටද අනතුරක් නොවන සේ ක්‍රීඩා කළ යුතුය. තම ධාවකයාට සිදුවන අනතුරු අනුවද ලකුණු ප්‍රමාණය අඩුවේ. කෙසේ හෝ මෙම පරිගණක ක්‍රීඩාව හරහා ඔබට මෝටර් රථ ධාවන තරගවල පවතින ත්‍රාසජනක සිදුවීම් එහිදී භාවිතා කරනු ලබන නීති රීති සහ භාවිතා කරනු ලබන අලුත් තාක්ෂණය පිළිබද දැනුමක් ලබා ගැනීමටද පරිගණක ක්‍රීඩකයාට අවස්ථාව ලැබේ.


ගේම් එකේ Video එක බලන්න.

View on YouTube
ටොරෙන්ට් එකක් තියෙන්නෙ Download කරගන්න.


u Torrent නැති අය ඉස්සෙල්ලාම පහළින් u Torrent Software එක Download කරගෙන ඉන්න.

u Torrent

McRae Dirt 2

Minimum System Requirements

Game Size :1.3 GB
OS - Windows XP
RAM -1 GB
CPU - Pentium 4
HDD -10 GB

Screenshots

Read More

පරිගණක වෛරසයක් ඉවත් කරගන්නා හැටි

පරිගණක වෛරසයක් යනුවෙන් හදුන්වන්නේ එක්තරා ආකාරයක කේතමය පරිගණක වැඩසටහනකි. නමුත් එය ක්‍රියාත්මක වන්නේ පරිගණකයට හානි වන ආකාරයෙනි. පරිගණකයක සම්පූර්ණ ක්‍රියාකාරීත්වය අඩාල කොට අවුල් කර දැමීමට පරිගණක වෛරසයකට හැකියාව තිබේ.

පරිගණකයකින් වෛරස ඉවත් කරගත හැකි ආකාර රාශියක් තිබේ. ඉන් එක් වඩාත් පහසු ආකරයක් නම් උසස් තත්වයේ ඇන්ටි වෛරස් මෘදුකාංගයක් භාවිතා කිරීම මගින් වෛරස වලින් ආරක්ශා විය හැක. එහි අන්තර්ජාලය මගින් හා USB Pen Drivers වැනි දෑ වලින් පැමිණෙන වෛරස හදුනා ගැනීමේ හා ඉවත් කර දැමීමේ හැකියාවද තිබිය යුතුය. නමුත් ඇන්ටි වෛරස් මෘදුකාංගයක් භාවිතා කර පමණින් එයින් ඔබගේ පරිගණකයට උපරීම ආරක්ශාවක් ලැබෙන්නේ නෑ. එය දිනපතා, නැතහොත් සතිපතා Update කළ යුතුය. එවිට අලුතෙන් පැමිණ තිබෙන වෛරස හදුනා ගැනීමේ හැකියාව ඔබගේ ඇන්ටි වෛරස් මෘදුකාංගයට ලැබේ. මේ ක්‍රමය අනුගමනය කිරීමෙන් ඔබට උපරිම ආරක්ශාවක් ලබාගත හැක. මැල්වෙයා (Malware) යනුවෙන් ද හදුන්වන්නේ හානිකර පරිගණක වැඩසටහන් විශේෂයකි. මේවායින් සිදුවන්නේ පරිගණකයෙන් ඔබ සිදුකරන දේවල් මොනාවාදැයි වෛරසය නිපදවූ තැනැත්තාට යැවීමයි. මීට අමතරව ඔබගේ පරිගණකයේ ඇති වැදගත් දත්ත විනාශ කිරීම, වෙනත් අයෙකුට අවශ්‍ය ආකාරයට ඔබගේ පරිගණකය මෙහෙයවීමේ අවස්ථාව මෙයින් සලසා දෙයි. මැල්වෙයා වැනි වෛරස් වැඩසටහනක් ඔබගේ පරිගණකයේ ඇතැයි කියා ඔබ දැනගත් පසුව ඒ ගැන අනවශ්‍ය සැකයක්, බියක් ඇතිකර ගත යුතු නැත. මේ හේතුව නිසා පරිගණකයේ හාඩ්ඩිස්කයේ තිබෙන දේවල් මුළුමනින්ම ඉවත් කරගත යුතු වන්නේ ද නැත. මේ නිසා පරිගණකයේ හාඩ්ඩිස්කය ඔබ ෆෝමැට් කරගත යුතු වන්නේ ද නැත. බොහෝ අවස්ථා වලදි හාඩ්ඩිස්කය ෆෝමැට් කිරීමෙන් තොරව මැල්වෙයා ඉවත් කරගත හැකිය. ඇතැම් විට මෙම අවස්ථාවේදී පරිගණකයේ ඇති ෆයිල්ස් කිහිපයක් ඉවත් කර ගැනීමට සිදුවේ. නමුත් සම්පූර්ණ හාඩ්ඩිස්කයම පිරිසිදු කර ගැනීමට අවශ්‍ය වන්නේ නැත.

මේ සියල්ලට ප්‍රථම ඔබ දැනගත යුතු වන්නේ ඔබගේ පරිගණකයේ වෛරසයක් තිබෙනවා ද යන්නයි. බොහෝ දෙනෙකු සිතන්නේ පරිගණකයේ වේගය අඩු වු විට වෛරසයක් තම පරිගණකයේ ඇතැයි කියාය. පරිගණකයක වේගය අඩු වීමට හේතු ගණනාවක් තිබේ. සිසිලන පංකා හෙවත් කූලිං ෆැන් නිසි ලෙස ක්‍රියාත්මක නොවීම ද මෙයට එක් හේතුවකි. ඔබ අන්තර්ජාලය සමග සම්බන්ධ වී සිටින විට ඔබගේ විධානයකින් තොරව ඔබට අනවශ්‍ය වෙබ් පි‍ටුවකට ඔබව යොමු කරන්නේ නම් මැල්වෙයා ගණයේ වෛරස් වැඩසටහනක් ඔබගේ පරිගණකයේ ඇතැයි සැක කිරිමට ඇති හොදම උදාහරණයකි. පරිගණකයේ තිබෙන ෆයිල්ස්, ෆෝල්ඩර් ආදිය අවුල් සහගතව තිබෙනවා නම් එයද පරිගණකයේ මැල්වෙයා වැනි හානි කර වෛරස් වැඩසටහනක් ඇති බවට සැක කළ හැහි  තවත් එක් කරුණකි. මෙවැනි අවස්ථාවක ඔබට ප්‍රතිවෛරස් මෘදුකාංගයක් භාවිතා කිරීමට සිදුවෙයි. එය එකකට හෝ පෙන් ඩ්‍රයිව් එකකට එය පිටපත් කොට ඔබගේ පරිගණකයේ ඉන්ස්ටෝල් කරගත යුතුය. ඔබ එම ඇන්ටි වෛරස් මෘදුකාංගය අන්තර්ජාලය මගින් ඩවුන්ලෝඩ් කරගන්නේ නම් එය සිදුකළ යුත්තේ වෛරස් ආසාදනයට ලක් නොවූ වෙනත් පරිගණකයකින් ය.

ඇතැම් ඇන්ටි වෛරස් මෘදුකාංග මගින් බූට් ඩිස්කයක් සකස් කරගැනීමේ අවස්ථාවක් ඔබට සලසා දෙනු ලබයි. මෙවන් ඩිස්කයක් සකස් කරගත් පසුව පරිගණකය එමගින් බූට් කරගත හැකිය. මෙයින් සිදුවන්නේ මෙහෙයුම් පද්ධතියට අයත් අත්‍යවශ්‍ය විධාන කිහිපයක් උපකාරයෙන් පරිගණකය ක්‍රියත්මක කර ඇන්ටි වෛරස් මෘදුකාංගය මගින් පරිගණකයේ වෛරස් ස්කෑන් කර බැලීමයි. මෙම අවස්ථාවේදී මැල්වෙයා වැඩසටහන් වල ක්‍රියාකාරීත්වය ඔබට නතර කරගැනීමට හැකිවෙයි.

මෙම අවස්ථාවේදී ද මැල්වෙයා වැඩසටහන ඉවත් නොවී නැවත නැවතත් අවවාදාත්මක පණිවිඩ දර්ශනය වන්නේ නම් පරිගණකය සේෆ් මෝඩ් (Safe Mode) එකෙන් ක්‍රියාත්මක කර බලන්න. බොහෝමයක් පරිගණක වෛරස් වලින් එම හානිකර ෆයිල්ස් වින්ඩෝස් රෙජිස්ට්‍රියට එක් කිරීම සිදුකරයි. පරිගණකයේ ස්ථාපිත කර තිබෙන වැඩසටහන් පිළිබද වැදගත් තොරතුරු ඇති ස්ථානය හදුන්වන්නේ රෙජිස්ට්‍රිය යනුවෙනි. වින්ඩෝස් මෙහෙයුම් පද්ධතිය ලෝඩ් වනවිට වෛරසය සක්‍රිය කරීම සිදුවන්නේ ද මෙමගිනි. සේෆ් මෝඩ් (Safe Mode) එකින් පරිගණකය ක්‍රියාත්මක කළ විට එක් එක් අවස්ථා වලදි මෙමරී එකට ලෝඩ් වන වැඩසටහන් මොනවාදැයි ඔබට දැකගත හැකි අතර ඒවා පාලනය කිරීමට ඔබට හැකිවේ. පසුව ඇන්ටි වෛරස් මෘදුකාංගය සේෆ් මෝඩ් (Safe Mode) එක යටතේ ධවනය කර බලන්න.

මීට පෙර ඔබට දර්ශනය වූ අවවාදාත්මක පණිවිඩ වල සදහන් වූ මැල්වෙයා එකෙහි නම ඔබට මතක නම් එම ෆයිල් එක ඇති ස්ථානය සොයා එය ඩිලීඩ් කර දමන්න. පසුව පරිගණකය රිබූට් කරගන්න. විවිධ වෙබ් අඩවි, ෆේස්බුක් සමාජ ජාලය වැනි වෙබ් අඩවි ඔස්සේ ඔබ සිදුකරන චැට් මගින් නොයෙකුත් පුද්ගලයින් හෝ ඔබගේම මිතුරන් එවන ලින්ක් වලට ඔබ පිවිසිමෙන්ද මැල්වෙයා වැඩසටහන් පරිගණකයට ඇතුළු වීමේ ඉඩකඩ වැඩිය. මේ නිසා ඔබට එවන මේ ලින්ක් වලට පිවිසීමට පෙර ඒ පිළිබද හොදින් සොයා බලන්න. ඉහතින් සදහන් කළ දෑ ඔබ අනුගමනය කිරීමෙන් ඔබගේ පරිගණකයේ ඇති මැල්වෙයා වනි හානිකර පරිගණක වැඩසටහන්  පරිගණකයෙන් ඉවත් කර ගැනීමට ඔබට හැකිවේ.

පරිගණකයක් වෛරස් වලින් ආරක්ෂා කර ගැනීමට නම් එහි ප්‍රතිවෛරස් මෘදුකාංගයක් ඉන්ස්ටෝල් කර තිබීම සුදුසු බවත් එය අප්ඩේට් කර ගැනීම ද වැදගත් වන බව මා ඔබට මීට පෙර පැහැදිලි කරා. ඇතැමුන් විශ්වාස කරන්නේ පරිගණකයක ප්‍රතිවෛරස් මෘදුකාංග කිහිපයක් තිබීම ද ඉතා සුදුසු බවයි. නමුත් සරලම පිළිතුර වන්නේ එය අසත්‍යයක් බවයි. පරිගණකයක ප්‍රතිවෛරස් මෘදුකාංග එකකට වඩා වැඩි ගණනක් ඉන්ස්ටෝල් කර ගැනීම සුදුසු නැත. එයට හේතුව වන්නේ මේවායින් පරිගණකයේ වේගය සැලකිය යුතු මට්ටමකින් පහත වැටෙන බැවිනි. එසේම එක් ප්‍රතිවෛරස් මෘදුකාංගයක් තිබෙන ෆයිල්ස් අනෙක් ප්‍රතිවෛරස් මෘදුකාංගයෙන් වෛරස ලෙස වරදවා තේරුම් ගන්නා අවස්ථා ද තිබේ. මෙවන් අවස්ථාවලදි පරිගණකයේ ක්‍රියාකාරීත්වය අවුල් වීම ද සිදුවේ. ඔබට අන්තර්ජාලය මගින් ඩවුන්ලෝඩ් කරගත හැකි උසස් තත්වයේ, වඩාත් ප්‍රචලිත ඇන්ටි වෛරස් මෘදුකාංග විශාල ප්‍රමාණයක් තිබේ. Kaspersky, Norton/Symantec, Avast, McAfee, AVG, Trend-Micro, Microsoft, Panda, ESET, Antivir, Bullguard, Sophos, Avil, Avira නම් ඒවාය.

මෙම මෘදුකාංග භාවිතයෙන් ඔබගේ පරිගණකයේ වේගය අඩුවීමක් ද සිදුවන්නේ නැත. සෑම ඇන්ටි වෛරස් මෘදුකාංගයකම මැල්වෙයා වැනි  වෛරස පිළිබදව තොරතුරු සටහන් කර තබාගනී. තවත් සමහර ඇන්ටි වෛරස් මෘදුකාංග මැල්වෙයා එකක් හසුකරගත් පසුව එය ස්වයංක්‍රීයවම ඩිලීට් කර දමයි.

Read More

Test Disk (Windows) Mac Linux

මෙම මෘදුකාංගය ඉතා හොද තත්වයේ Open Souce මෘදුකාංගයක් ලෙස ඔබගේ නැති වු දත්තයන් ලබා ගැනිම සදහා යොදා ගත හැකිය. Test Disk මෘදුකාංගය හරහා ඔබට අවශ්‍ය කරන හදිසියේම Delete වූ දත්තයන් ලබා ගැනීම සදහා මෙය භාවිතා කළ හැකිය. එමෙන්ම මෙය Fat හා NTFS File පද්ධති දෙවර්ගය සදහාම මෙම මෘදුකාංගය භාවිතා කිරිමේ හැකියාව ඔබට ඇත. ඊට අමතරව මෙම මෘදුකාංගය හරහා ඔබගේ Boot Sector, Fat Tables, MFT පද්ධති වල ඇති දෝෂ නිරාකරණය කිරීමේ හැකියාව ද සලසා දි ඇත. මෙය Command Line මෘදුකාංගයක් ලෙස පණගැන්වේ.

පහත වෙබ් අඩවියට ගොස් මෘදුකාංගය Download ගන්න.



Read More

සමහර CD වල දත්ත තවත් CD එකකට කොපි කරන්න බැරි ඇයි ?

CD එකකින් නැවත කොපි කිරීමේ හැකියාව නැවැත්විය හැකි මෘදුකාංග තිබේ. බර්නිං සොෆ්ට්වෙයාර්ස් වලදී CD එකේ දත්ත හදුනාගෙන පිටපත් කිරීම වැළැක්වීමට විවිධ ක්‍රම භාවිතා කරයි. ඒවා කිහිපයක් පහත දැක්වේ.

* CD එකේ දත්ත ගැන විස්තර අඩංගු වගුව බර්නිං සොෆ්ට්වෙයා එකට වැරදියට පෙන්වීම. (illegal tables of contents)

* CD එකේ දත්තවල ප්‍රමාණය CD එකක අඩංගු කළ හැකි දත්ත ප්‍රමාණයට වඩා වැඩියෙන් බර්නිං සොෆ්ට්වෙයා එකට පෙන්වීම. (Oversizing)

* CD එකේ භෞතික දෝෂ (physical errors/bad sectors) ආදිය ඇති බව බර්නිං සොෆ්ට්වෙයා එකට පෙන්වීම.

Read More

Gmail ගිණුමක් සාදා ගන්නා ආකාරය

හරි මුලින්ම ඔයා යන්න Gmail වලට> දැන් එතන ඔයාට පෙනෙයි Create an Account කියලා එකක් තියනවා> ඒක ක්ලික් කරන්න> දැන් ඔයාට පෙනෙයි ගිණුම සාදා ගැනීම සදහා තිබෙන අයදුම් පත්‍රය. හරි දැන් අපි ඒක සම්පුර්ණ කරමු.

First Name (මුලට යෙදෙන නම) < මෙතෙනට ඔයාගේ මුල් නම ලබා දෙන්න.

Last Name (අගට යෙදෙන නම) < මෙතෙනට ඔයාගේ අග නම ලබා දෙන්න.

ඉහත මා ඔබට සදහන් කර ඔප්ෂන්ස් දෙක සදහා අපගේ සත්‍ය විස්තර හෝ ව්‍යජ විස්තර ඉදිරිපත් කළ හැකිය.

Desired Login Name (ගිණුමට පිවිසීම සදහා අප කැමති නම)

Check availability (අප සදහන් කළ නම ලබා ගත හැකි දැයි පරීක්ෂා කරන්න)

ඉහත ඔබ ලබා දුන් නම කිසිවෙකු හෝ භාවිතා කරයි නම් ඔබ වෙනත් නමක් ලබා ගත යුතුය.

Choose a Password (අවසර පදයක් ‍තෝරන්න) < මෙහිදි ඔබ ප්‍රවේශම් විය යුතුයි. අපගේ සත්‍ය විස්තර වලට අදාළව සෘජු තොරතුරු ඇතුළත් කිරීම ආරක්ෂිත නොවේ. සිම්පල් සහ කැපිටල් අකුරු (Lower Case, Upper Case) සහිත සහ ඉලක්කම් මිශ්‍ර කර සංකීර්ණ අවසර පදයක් නිර්මාණය කළ හැකිය. නිදසුනක් වශයෙන් S සහ s යනු තනි අදහසක් නොවේ. තේරුම් දෙකකි.

Re-enter password (අවසර පදය නැවත සදහන් කරන්න)

Stay signed in (මගේ ගිණුමට සම්බන්ධ කර තබන්න යන අදහස දෙයි. එසේ කළ යුතු නැත්නම් ඒ කො‍ටුව හිස් කරන්න)

Enable Web History (වෙබ් ඉතිහාසය ලබා ගැනීමට ඉඩකඩ දෙයි)

Security question (ආරක්ෂිත ප්‍රශ්නය) < ඔබගේ අවසර පදය අමතක වු අවස්ථාවල දී අපගේ අනන්‍යතාව සෙවීමට මෙය ලබා දෙයි. මේ සදහා ප්‍රශ්න මාලාවක් ඉදිරිපත් කර තිබේ. ඉන් එක් ප්‍රශ්නයක් ඔබ ‍තෝරා ගත යුතුය.

Answer - ඉහත ලැයිස්තුවෙන් ‍තෝරා ගත් ප්‍රශ්නය පසු අවස්ථාවක ඔබෙන් විමසූ විට අප සපයන පිළිතුර මෙහි සදහන් කළ යුතුය. ගිණුමේ නම හෝ අවසර පදය අමතක වීම නිසා ගිණුම විවෘත කළ නොහැකි අවස්ථාවලදී ඉහත ප්‍රශ්නය හා පිළිතුර ඉදිරිපත් කිරීම මගින් අපගේ අනන්‍යතාව තහවුරු කොට නැවත අවසර පදය සහ නම වෙනස් කොට ගන්නට මෙහිදී ඉඩ දෙයි.

Secondary email (ද්විතීය ඉ-මේල් ලිපිනය, මෙය පිරවීම අත්‍යවශ්‍ය නොවේ)

Location (අප පදිංචි ස්ථානය - රට)

Word Verification (වචනයක් ඉදිරිපත් කර තිබේ. එය ඔබ නිවැරදිව සදහන් කළ යුතුය)

Terms of service (සේවා කොන්දේසි. ඉ-මේල් ලිපිනයක් ලබා දීම සදහා ඔබ ඒවාට එකග විය යුතුය)

I accept (මම එකග වෙමි) < මේ සියල්ලට ඔබ එකග නම් මේ බොත්තම ක්ලික් කළ යුතුය. සියල්ල නිවැරදිව සටහන් කළේ නම් දැන් ඔයාට ඉ-මේල් ගිණුම ලැබේ.

Read More